Sunday, July 29, 2007

A Tribute to TEMPTATION ISLAND, Part 1: Late Entrance, Early Exit

Let's begin our tribute to Joey Gosiengfiao's 1981 magnum opus with a quick rundown of what has happened to everyone involved:

Kamakailan lang pumanaw si Joey Gosiengfiao at si Ricky Belmonte. Si Alfie Anido, matagal na ding sumalangit-nawa. Si Jonas ("JOSHUA!") Sebastian, naging theater director sa Peyups (sabi dito sa PEX na kasing-taray din niya in real life ang character niya). Yung hot na waiter... eh ewan ko kung anong nangyari diyan.

And the women?

Well, alam na natin kung anong nangyari kay Dina Bonnevie, aka Miss Magnolia: successful actress (na one time naging ka-loveteam ni Alfie Anido), thriving businesswoman, diborsyada (kay Vic Sotto at Dick Penson), former talk-show host, platonic soulmate ni Edu Manzano, biyenan ni Marc Pingris at hilaw-na-biyenan ni Angel Locsin. Siyempre hanggang ngayon eh malupit pa rin ang hitsura ng lola ninyo.

Alam na din siguro natin ang nangyari kay Deborah Sun: kontrabida sa mga pelikula, TNT sa Tah-teh, starring role sa maraming iskandalo involving estafa and utang, currently battling cancer.

Si Azenith Briones, nagkaroon ng career bilang model at sometime bebot (on- and off-screen) ni Lito Lapid. Si Bambi Arambulo, paminsan-minsan na lang nag-aartista at nag-momodel.

Which then leads us to Jennifer Cortez. Bru, what happened to you? Binibining Pilipinas UNIVERSE (1978) ka pa naman. Alala mo yung scene sa barko kung saan nagpoposing-posing ka bago mo tisurin si Bambi? Ang ganda ganda mo doon. Puwede ka na sanang maging model. But noooo... ang pinakamalaking claim to fame mo ay ang role ng super taray at super-Ingleserang sosyalera na ayaw magtanggal ng panty girdle pagdating sa isla. Kung hindi ka natitibo sa kamamasahe ni Deborah sa boobies mo ("Careful, careful!" "Opo senyorita.") eh sinasampal ka ni Bambi habang nagsasayaw, sinasabunutan ni Azenith sa beach, or inuupakan ni Dina dahil trip lang niyang upakan ka.

Hindi naman sorpresa kung bakit hindi ka sumikat bilang artista eh. Tingnan natin yung ebidensya:




Ano ba iyan? "Oh what a bright sunny day" pa lang, hindi mo mabenta? Tapos hiniritan mo pa ng "A day in the life of a sun ray"? Well, of course hindi ka namin masisisi dito sa script na ito - trabaho mo lang naman ang magsabi niyan. OK na sana, pero nagspeech ka pa tungkol sa "strict diet" mo* at hiniritan mo pa si Azenith ng "I. AM NOT. A FOLISH VIRGIN." Teka... FOLISH virgin? Ano iyon, birhen na taga-Foland?

*By now hindi na din sikreto yung ending ng pelikula na ito, kung saan nag-deviate ang character mo sa kanyang "strict diet" para kumain ng, ahem, "karne." Tatawa sana kami, kung hindi lang namin alam na mas nakakatawa yung pagdating ng rescue ship pagkatapos non.

Nagtataka tuloy kami kung sadya ka nang nagtatago dahil sa Temptation Island. Palagay ko nagsawa ka na sa mga taong lumalapit sa iyo para pagsabihan ka lang ng "What are BEECHES for? But to BEECH around. With Other. BEECHES!" Or baka nagkaroon ka ng incident na nagpunta ka sa mall at hindi ka nilapitan ng mga tindera kasi sinabi na kaagad ng manager na ikaw yung "Bruha ng Disyerto" doon sa pelikula. Or baka naman harrassed ka pag nilalapitan ka na ng mga bakla at palagi nilang minamasahe ang boobs mo habang nagsasabi ng "opo senyorita" (in their deep man voice pa!) dahil yan daw ang secret sa perfect complexion mo.

Either way, hindi ka na namin masisisi kung hindi ka na talaga nag-artista ever since. Yun nga lang, magparamdam ka naman! (At sabihin mo sa amin kung sino yung modista na gumawa ng gown mo.)

Wednesday, July 25, 2007

Lindsay Losyang


Naku naman Lindsay. Akala pa namin nagbago ka na. Hayan, sa sobrang pagpapakaloka mo eh heto ang napala mo. Ganyan ka ba ka-atat na maukray dito sa blog na ito?

Anong nangyari sa fez mo, bru? Tinutubuan ka ba ng balbas? At least si Paris kumuha siya ng hair and makeup artist para magmukhang fresh kahit na ipapasok siya sa kulungan. Dito mukhang nag-polbo ka ng kaunti tapos nag-give up ka na kasi napipikon ka na sa mga po-po na nag-pickup sa iyo. Doon ka na lang sa presinto magpaliwanag, badaf.

Sana nakinig ka na lang kay Rick James noong sinabi niya ito: Cocaine is one helluva drug.

Sunday, July 22, 2007

Rock Star Mailbag, Part 2: UR MY INSPIRATION REMEMBER

Just so you know, basta na lang dumating sa inbox namin ang chat na ito. Hindi na namin kailangang hanapin pa, dahil kami ang hinanap ng nagpadala nito. Hehe.


Itatago namin ang nagpadala ng chat transcript na ito sa pangalang "Lukring." Nakilala ni Lukring ang fan na ito (batang-sayko) sa isang mailing list para sa isang sikat na banda sa Pilipinas. Nagpakilala ang bata bilang 13 anyos lamang nguni't patay na patay para sa lead singer ng banda na kaibigan din ni Lukring.

Heto ang partial transript na binigay ni Lukring sa amin...


[Recorded in September 2006]
i saw her online and i was bored...so ito yung napagusapan namen. actually sinabi lang pala niya. hehehe.

Lukring: you have any message for [lead vox of band]? he's coming over.

batang-sayko: ah ok
batang-sayko: i just want to say that
batang-sayko: ok lang? mahaba eh

Lukring: sige lang

batang-sayko: i love him very much hindi ito mapapalitan ng kahit ano anong material na bagay o kyamanan
batang-sayko: naks
batang-sayko: hehehe
batang-sayko: tapos
batang-sayko: pag magdedebut na ako sya ung kukuwanin kong escort
batang-sayko: tapos binabalak ko kung saan un kung sa barko or in other place
batang-sayko: tapos late reaction congrats pala nung naglaro ka sa game ka na galing mo [:D]
batang-sayko: tapos kahit hindi na tayo palaging nagkikita ur still the one diba
nga po hindi ito mapapalitan ng material na bagay o kasikatan o kayamanan at
kahit sinong lalake ikaw lang po talaga
batang-sayko: UR MY INSPIRATION REMEMBER
batang-sayko: and may balak sana po ako sa birthday niyo
batang-sayko: tapos kayo ang po ung iniisip ko pag may nangiinsulto sa inyo kinakalaban ko dahil ayokong ginaganun ka nila
batang-sayko: I RESPECT U HIGIT NA HIGIT
batang-sayko: ei
batang-sayko: wag muna po kayo mag asawa kasi kung magdedebut ako malungkot kasi may asawa na agad kayo nyan
batang-sayko: tapos
batang-sayko: alam niyo po ba kung gaano kita kamahal?
batang-sayko: 1.hindi ito mapapalitan ng sino sinong lalaki
batang-sayko: 2.wala akong pakialam sa itsura o kahit maghirap pa pokayo o kahit maging taong grassa ka pa i still love you
batang-sayko: kasi hindi importante ang material na bagay
batang-sayko: ang importante mahal ka ng tao
batang-sayko: 3.kahit hindi niyo ako pansinin ok lang un
batang-sayko: 4.hindi ako madamdamin na tao
batang-sayko: 5.ang importante sa bawat araw na mapatunayan kong tagumpay ako DAHIL YOUR MY INSPIRATION
batang-sayko: 6.kahit maging laos ka o maging mahirap ikaw pa din walanang papalit pa dun
batang-sayko: tapos
batang-sayko: 7.seriouso ako THATS THE PART OF GROWING UP naks
batang-sayko: 8.hindi ko pinapansin lahat ng lalaking nangliligaw kasi ikaw nga lang
batang-sayko: kahit magkagusto pa si sam milby sa akin ikaw pa rin
batang-sayko: ang tagal ko pang maging matanda
batang-sayko: tapos
batang-sayko: sana [age ng vocalist] yr.s young na ako hehehehehe.........
batang-sayko: kahit maging matanda ka pa ng sobra ikaw pa rin no one will break my love for you
batang-sayko: ay pwede na akong magcompose ng song hehehe....
batang-sayko: tungkol sayo
batang-sayko: alam niyo po ba ang mga theme song
batang-sayko: 1.painter song
batang-sayko: marami puro maganda
batang-sayko: may album pa nga eh hehehe
batang-sayko: hindi ko nalang sasabihin ung album nakakatawa
batang-sayko: tapos wag kayo masyadong mag cigarette kasi concern lang ako eh :)
batang-sayko: kasi nakakatakot baka magkasakit ka
batang-sayko: miss ko na kayo
batang-sayko: tapos wala na akong masabi just always take care
batang-sayko: kuya pupunta kami sa [gig] on [past date]
batang-sayko: tapos sori kung nakakainis ako dahil masyadong makulit
batang-sayko: tapos pag wala kang gagawin magpahinga ka kaagad
batang-sayko: gusto niyo po makita ang gagawin kong investigatory project in science
batang-sayko: para sa inyo din un eh
batang-sayko: wag na lang
batang-sayko: hehehe
batang-sayko: kasi hindi pa tapos un eh
batang-sayko: at masyado ng madrama dito hehehe
batang-sayko: may music matching habang nageexpress ung feelings ko
batang-sayko: what can you say about it
batang-sayko: ano nga po pala
ung favorite mong bar
batang-sayko: kasi may plano pa lang
batang-sayko: sa birthday mo pero im not sure pa dun
batang-sayko: kamusta ka na kuya [lead vocalist]
batang-sayko: mahaba ung sinabi ko ah
batang-sayko: lahat ng ito alam nang parents ko kuya, ate lahat na
batang-sayko: kasi wala kaming secret
batang-sayko: hindi uso dito ung secret
batang-sayko: lahat dito sinasabi kahit ano bawal ang lihim
batang-sayko: kahit anong nangyayari sinasabi ko sa ate ko kuya ko mama ko and my dad
batang-sayko: kasi its really good to be honest matutuwa pa sa akin ang ating diyos
batang-sayko: bagay na bagay sa akin ung kantang BATNG BATA KA PA
batang-sayko: tapos
batang-sayko: gusto niyo po bang makita ung quizzes ko
batang-sayko: ok bye na
batang-sayko: going to eat na

Saturday, July 21, 2007

Rock Star Mailbag: Ganito Ba Umasal Ang Fans Ninyo?

Maiiba ang format ng Rock Star Mailbag natin ngayon. Hindi dahil hinabla na kami ng mga letter writers sa unang version ng article na ito, mind you (maawa naman kayo - wala na ngang pambayad ng abogado tapos mag-aapihan pa kami), pero na-overwhelm kasi ang mga interns namin sa dami ng mga naririnig namin tungkol sa mga stalkers ng rakista. Kaya imbes na i-publish namin in verbatim ang mga sulat at haka-haka na naririnig namin, heto ang summary ng mga naririnig naming Modus Operandi sa pagiging epal sa banda.

Gawin po natin itong babala para sa mga taga-tagpangkilik ng OPM. Bow.

(Hindi namin puwedeng sabihin kung sino ang mga binabanggit namin dito, pero malamang na iisang tao lang ang may pakana ng raket na ito.)

- MODUS OPERANDI #1: Sa simula medyo mabait ang dating - matulungin, matinong kausap. Pag nakilala mo sa personal, parang normal na tao lang siya. Minsan ikukuwento pa niya ang mga favorite moments niya sa mga gigs. Pero pag nakausap mo siya ng matagal-tagal, saka lang niya babanggitin na meron siyang mga phone number ng mga rakista at palagi niyang nakakausap ang mga band members sa text or sa telepono. Yun nga lang, pag tatanungin mo naman siya kung ano ang phone number niya, sasabihin niya na nawawala ang telepono niya at nakakapag-text lang siya ng computer-to-SMS.

- MODUS OPERANDI #2: Makikita mo siya sa mga chat programs. Minsan sisipot siya sa mga Instant Messenger conferences or chat rooms para maghanap ng mga band members or kakuwentuhan, pero kung iba naman ang flow ng kuwentuhan ng mga tao saka siya magrereklamo kesyo hindi siya makarelate. Hindi rin siya namimili ng mahahagingan dahil kahit may miyembro ng ibang banda na present sa usapan na iyon eh magrereklamo pa rin ang hitad. Syempre habang nagchachat sasabihin din niya na katext din niya ang kanyang mga Celebrity Text Buddies (see Modus Operandi #1). Tapos pag magpapa-alam siya saka niya sasabihin na manonood siya ng isa pang gig para sa isa pang banda na wala namang kinalaman sa pinag-uusapan sa chat. Also, pag nasa buddy list siya ng IM program mo, makikita mo na ang message niya palaging may binabanggit na sikat - for example, pag online siya, sasabihin sa message niya na nakikipag-chat siya sa jowa ng rakista. At siyempre, kung sasabihin mo naman na may number ka ng isa sa mga Celebrity Text Buddies niya, hihingiin din niya ang numero na iyon.

- MODUS OPERANDI #3: Pagpunta niya sa gig, pupunta siya backstage para magbigay ng regalo sa banda. Siyempre pag ginagawa iyon maganda na ang tingin ng band members sa kanya. Pero oras na nakatalikod ang mga miyembro ng banda, saka niya sasabihin na "close friends" naman talaga sila ng banda at siya pa ang kinuha na ninang ng anak (kung meron). Pagmamayabang niya na nakapunta na sila sa bahay ng band member na iyon at kung gusto mo eh puwede ka niyang dalhin doon dahil alam niya kung saan.

- MODUS OPERANDI #4: Kung merong band member na pogi, siyempre patay na patay ang hitad doon. So much so na sa tindi ng kanyang pag-ibig para sa band member na iyon ay magtatayo siya ng fake account sa Friendster or Multiply gamit ang pangalan at vital statistics ng band member. Siyempre palalabasin niya na "sila" na, kahit na tanungin mo pa siya sa text or sa chat kung siya talaga ang syota at deny to death ang hitad. So of course, pag nalaman niya na may syota or asawa na pala ang band member na kinagigiliwan niya, parang tumitigil na din ang takbo ng buhay niya, at saka siya magrereklamo sa kanyang "friends" sa chat or email tungkol sa kanyang pagkabigo sa pag-ibig. Of course, pag tatanungin mo naman siya kung meron naman siyang ibang puwedeng mabalingan, sasabihin naman niya na "shy kasi ako" at "baka ma-OP kasi ME."

- MODUS OPERANDI #5: Gagawin niya ang lahat para hindi magbayad ng ticket or cover sa gig. And by lahat, we mean lahat: magsusuhol ng promoter, manggugulo ng VIP room, sisipsip sa banda (no, hindi ganyan), at siyempre lalabas ang all four previous MOs niya para mapalabas na Friend of the Band talaga siya, parang awa ninyo na, at wala siyang pakialam kung nagpapahinga sila or biglang nagkasakit ang isang member nila kasi Friend of the Band naman siya at puwede ninyo siyang papasukin dahil nasa guest list ang pangalan niya, please please pleeeeeeeeeeease!!!!!

At dito namin kailangan ni Bakeks mag-Sermon on the Mount. Marami na kaming mga bandang nakilala sa buhay namin. Tao din lang naman sila - masarap kakuwentuhan, ka-inuman. Minsan sa kagandahang-loob nila nagpapakain pa sila at naghahatid sa bahay. Hindi naman nila hiningi ang ganitong klaseng buhay. Pero minsan lang talaga hindi nakikita ng mga tao na pinaghihirapan din nila ito - kahit bigay na bigay sila sa entablado eh umuuwi pa rin sila nang pagod at nangangailangan ng "me time" para makapagpahinga. Paano na iyan kung palagi silang napapaligiran ng mga epal na kuha lang nang kuha pero hindi naman binabayaran ang binibigay?

Kaya heto ang payo namin sa inyo...

- ANG TUNAY NA FAN, NAGBABAYAD. Gaya ng sinabi ng isang makatang mas marunong pa sa amin, ang hindi pinaghirapan ay hindi minamahal. Kung gusto ninyo magregalo, mas mabuti pa sa free concert na lang ninyo i-abot iyan dahil lalo pa iyan ma-a-appreciate ng banda. At hindi magmumukhang suhol. Otherwise, pag palagi ka na lang may dala-dala baka magmumukha ka lang na tipong taong nagpapagamit.

- Kung ikaw ay miyembro ng banda, wag kang matatakot kaagad! Kung gusto mo pa rin maglibre, OK lang yan. Pero kung alam mong nasa panganib ang personal space mo, gawin mo na ang lahat na dapat gawin. Baguhin mo na ang passwords and privacy settings ng mga networking accounts mo, lalo na pagdating sa photos at blog entries. Huwag mong ipamigay nang basta-basta ang home address, personal email, or cell phone number. At pag may nagsumbong sa inyo, cool kayo kaagad. Kasi nga...

- ...Management Will Take Care of the Problem. Kasi sa kanila din naman mapupunta iyan kahit isumbong mo pa kahit kanino. Pati mga promoters din kailangang payuhan. Malay natin, baka may pictures na sila na puwede nang ipaskil sa mga bar na parang mga shoplifter sa tindahan. HUWAG NINYONG TULARAN ANG MGA ITO!

- At kung hindi maidadaan kaagad sa manager, idaan na ninyo kay "kumander" - namely, ang asawa/ girlfriend/ closest family member ng banda, dahil sila na ang makakapag-awat kaagad sa mga masasamang loob. Ipakilala ninyo kaagad ang inyong bagong "Friend of the Band" para 1) matameme kaagad ang hitad and 2) makabisado nang maigi ng family member/ significant other ang pagmumukha for future reference.

- Finally, huwag magpa-uto! So sinabi nya na may phone number siya ng band member. So what? Kung magkaibigan talaga sila eh hindi na niya kailangang ibenta sa iyo ang number na iyan. Kung pinagmalaki niya na may condo siya, hihingian mo din siya ng prueba, di ba? Otherwise, hindi lang naman siya ang magmumukhang tanga pag nabisto ang gimik niya. Matuto na kayo sa mga taong nagpadala sa mga pyramid scam at huwag magpadala sa kahit ano.

O, hayan, galing na sa amin ito, ha? Binalaan na naman kayo.

Thursday, July 19, 2007

You Better Change It Back, Or We Will Both Be Sorry

Kanina lang pinag-uusapan namin ni Bakeks ang Human League, and especially ang lead singer nila na si Philip Oakey. Naiinggit kasi kami sa hitsura niya dahil mas maganda ang hair and makeup niya kaysa sa amin. Sabi pa naman ni Bakeks ang kintab kintab ng buhok niya.

Panoorin po natin muna ang original na video ng "Don't You Want Me Baby":



Oo, pareho ang hitsura niya doon sa brunette na hitad na naka-fur coat sa video na ito, pero wag kayong ma-turn off. Ganoon kalakas ang dating niya noong bata pa kami.

Siyempre hindi baduy ang kantang ito dahil hanggang ngayon kinakanta pa rin namin ito. Pero imagine-in mo yung pagka-shock ko noong napanood ko ang video na ito.

Ladies and gentlemen, live from Los Angeles on the Jimmy Kimmel show... HUMAN LEAGUE!!!

(Apologies in advance kasi hindi nagpapa-embed yung user.)

Dear Philip Oakey:

Yes, we know time has not been a kind mistress to you. Yes, we can't blame you for losing your hair and wearing it, as we say in the Philippines, in the semi-kal style. But, damn it, we were hoping to get you a Pantene endorsement deal!

With love and eyeliner,

When Gauche Happens

PS. Meimei says she still won't kick you out of bed for eating crackers.

PPS. Meimei also says sorry that she keeps calling you Philip Bailey, who happens to sing for Earth Wind and Fire and was responsible for "Easy Lover." Which is nowhere near as cool as "Don't You Want Me Baby."

Wednesday, July 11, 2007

Monkey, Monkey, Annabelle

We interrupt our blogging with a special message from Annabelle Rama. Links and pictures may not be safe for work.

"Hoy, kayong mga pasaway diyan sa When Baduy Happens! Nakita na ba ninyo yung latest na iskandal ko?"





"Ganyan ang hetsura ko noon bago ako inanakan ni Edong. Tandaan ninyo, ha, hende pa oso noon ang plastek sargery na iyan! Kung may endo-endorsement lang noong araw eh sana natalbogan ko na si Roffa, dong! Sabi daw nela pati buhok ko pang-Pantene talaga kase ang kentab-kentab. Talbog sa ken ang mga gerls ng White Kasol, dong! Kahet na ba mas plat pa ako noon sa hatkek ng White King eh at least ORIGINAL yan! Sasabehen ko sanang FLAWLESS pero baka mahabla ako ni Dok Calayan niyan, dong. Tingnan ninyo, pate yung bobs ko mor pawerpol dan peyn pa iyan! Kong kabataan ko lang den ngayon nakakoha den ako ng mas mayaman pa kay Yelmas - HOY ROFFA WAG MO NANG TAWAGAN IYAN! PAPALOEN KETA NIYAN, PASAWAY KA! - kaya nga AKO LANG ang penakasalan ni Edong sa lahat ng mga babae niya, ha! MENAHAL NE EDONG ANG BYUTEH KOH!"

"Kumpara nenyo eyan kay Dale Ann Karbahal na kahet binigyan ko na iyan ng polbong Chanel eh hende pa nagbabago ang hetsura. Hoy, Dale, walang sinabe yang fez mo sa kagandahan ko noong araw, day! Kahet begyan ko pa ekaw ng pera eh wala pa reng nangyayari sa hetsura mo!"

"Kaya kayong mga babae diyan, ha, tandaan ninyo: Tama mga nanay ninyo - yang mga katawan ninyo, pagkatapos ninyong magkaanak, para kayong mga bulaklak na nawalan ng amoy. Pero at least ako napakenabangan ko iyan kase nagkaroon ako ng marameng marameng anak na magaganda na puwede ko ding perahan... ahem, pag-artistahen, habang may asim pa sela. Eh kayong mga umookray sa aken, may maipapagmalaki ba kayo? Begyan ko na lang kayo ng datong tapos tengnan naten!"

Sunday, July 8, 2007

When Baduy Answers Questions

Balang araw, magkakaroon kami ng sarili naming email account at sarili naming FAQ section para masagot lahat ng mga katanungan ninyo. Yun nga lang, pareho na kaming kayod sa trabaho namin (oo, totoo ngang nagkatrabaho kami pareho... hindi kami puwedeng maging senyorita habang buhay, ano?) at paminsan-minsan ay tinatangay kami ng aming mga sosyal na friends sa iba't ibang mga lakad sa iba't ibang mga exotic resort destinations. In the meantime, try na rin naming sagutin ang ibang mga questions na binabato... excuse me, tinatanong sa amin ng ilang mga readers namin.

- Paano kayo nagsimula mag-ukray ng kabaduyan sa buong mundo?
Ewan. Naging trip lang namin kasi na mag-api ng mga baduy na celebrities. Actually, matagal na kaming nag-uukray ng mga baduy na artista, magmula pa noong bata pa kami at palagi naming nire-raid ang collection ng chismis magazines ng mga katulong at yaya namin. Magkababata kami kaya pareho din kaming na-addict sa That's Entertainment at sa Mellow Touch 94.7 bukod sa aming sobrang kapapanood ng mga sitcom reruns, showbiz talk shows, at mga lumang pelikulang Tagalog na pinapalabas paminsan minsan. Kaya hanggang ngayon, trip pa rin namin.

- So, kung nasa States si Mei at nasa Manila si Bakeks, eh papaano ninyo napagkakasunduan na magsulat sa blog na ito?

Halos araw-araw kaming nagchachat sa Google at sa Yahoo! Messenger. Si Meimei ang taga-ayos ng HTML coding sa mga blog entries, at si Bakeks ang tagakuha ng pictures, pero when it comes to jologs eh collaborative effort iyan sa aming dalawa. Totoo!

- ppanu poh q kau puedeng mging frend kse parang mabait poh U tsaka wala aq friends d2 kse shy aq gus2 q poh din maging frend kau add nu q sa friendster pls!!!!!!!!
Yan na nga ba ang sinasabi namin eh. Kung gusto ninyo kaming maging friends, AYUSIN NINYO ANG GRAMMAR NINYO. Hindi dahil snob kami, ha, pero pareho kaming may professional experience sa pagtuturo ng English Language Learners at mga studyanteng may learning disability. Hindi na namin kaya ang mag-basa ng spelling errors at run-on sentences sa labas ng mga trabaho namin, parang awa ninyo na.

Also: If you're old enough to order a beer, you're old enough to make new friends without us holding your hand and walking you through every step of the way. Hindi na kayo mga batang papasok sa kinder sa first day of school at lalong hindi kami ang mga yaya ninyo. Wag nang mag-inarte na kesyo baka ma-OP kayo cheber cheber.

- ANO BA ITO NABASA KO YUNG SULAT KO SA INYONG ROCK STAR MAILBAG NOONG ISANG BUWAN?!?!?!?!! BAKIT NINYO AKO PINATATAMAAN eh wala naman akong GINAWANG MASAMA SA INYO!!!!!! HUMINGI KAYO NG TAWAD SA AKIN MGA EPAL KAYO!!!
Uy, isa pa ito. Minsan lang kami nag-sorry dahil nga nakilala tuloy ni Bakeks kung sino iyon sa totoong buhay. Otherwise, pagdating sa blog namin eh Walang Sisihan na. At bakit mo pa kailangan kaming sigawan? Hayan, pati mga kapitbahay ko dito sa Honolulu nabibingi sa ka-aabuso ng Caps Lock key mo. Kung may kailangan kang sigawan, doon ka maglabas ng galit sa principal ng school mo kasi mukhang hindi tumatalab sa amin yung pinag-aralan mo sa English. Or, for that matter, Character Education.

- May nakita akong nakakatawang picture habang nasa labas ako. Puwede ko bang ipadala sa inyo?
Aba, puwedeng-puwede iyan! Pero tingnan muna namin kung may paraan para kontakin ninyo kami. Otherwise, mag-iwan lang kayo ng contact info sa comments section at titingnan namin kung puwede naming magamit ang mga pictures ninyo.

- Tumatanggap pa ba kayo ng aplikante para sa Internship Program ninyo?
Sorry, internship positions are no longer available at this time. We will only appoint interns wheneve we deem it necessary.

- So... sino sa inyong dalawa ang manonood ng bagong pelikula ng Transformers?
Si Bakeks, kasi mas matagal na niyang inaabangan iyan. (Si Meimei kasi, kahit noong araw hindi makapanood ng Transformers kasi lalo lang lumalala yung symptoms ng kanyang ADHD... kaya hayan, Ratatouille na lang.)

Tuesday, July 3, 2007

Rock Star Rakets Part 2: Rakrakan Deluxe

At heto na naman ang Part 2 ng aming series para sa mga Rock Star Rakets. Tangkilikin po natin ulit ang mga small businesses and independent entrepreneurs dito sa Pilipinas!


CALDERON MEDICAL CLINIC
Lopez Avenue, Los Banos, Laguna

May sakit ba ang inyong bahista? Sumasakit ang leeg sa sobrang pag-headbang? Napaos sa kasisigaw? Napuwing ba kayo sa sobrang pag-gamit ng eyeliner? Magpunta lang kayo dito at aalagaan nila kayo. Marami silang experts dito na magpapagamot sa lahat ng inyong karamdaman, lalo na sa mga karamdamang napapala sa sobrang rakrakan. We also have highly trained emo fangirl nurses to assist you with every need. Open 24 hours.

CASTILLO BAHAY KUBO
Calamba, Laguna

Hayaan po natin si Head Intern Shaun na magpaliwanag tungkol sa negosyong ito:

"Yes, it's true - madalas po kami dumadaan dito para bumili ng mga pang-bahay kubo sa rest house namin sa probinsya. Gusto ko sanang paniwalaan na magkamag-anak kami ng owner (may sinabi dati kasi si Pahpah na meron daw kaming mga kamag-anak na pinutulan ng mana ng aking Great Great Grand Lolo) pero ang masasabi ko ay talagang maganda ang mga bahay kubo nila. Sulit talaga kasi kahit ilang oras kang mag-rakrakan sa loob ng kubo ay hindi pa rin natitinag ng amp yung structure! Sana maplug namin ito sa susunod na video ng band namin!"




Sunday, July 1, 2007

Migz Vs. Koko: The Good, The Bad, and The Dance Number

To: Juan Miguel F. Zubiri and Aquilino L. Pimentel III
From: When Baduy Happens

Dear Migz and Koko:

Nabalitaan namin dito na deadlock kayong dalawa para sa 12th place sa Senado. Parang hindi pa rin ma-decide ng Comelec kung sino sa inyong dalawa ang talagang nanalo para sa posisyon na ito. Teka, di ba May pa yung eleksyon? Malapit nang mag-Fourth of July at na-proklama na yung 11 pero hindi pa rin nila makita kung sino sa inyong dalawa ang taga-roundup ng Final 12? ANO BA IYAN?

Alam ninyo, kung kami lang ang masusunod, dapat idaan na lang sa tie-breaker para hindi na nahihirapan ang Comelec dito. Pero hindi lang kahit na anong tie breaker, ha. Ang gusto naming makita ay yung talagang tunay na showdown - yung talagang pagpapakitang-gilas at talino na talagang matatangkilik ng sambayanan.

Marami talaga kaming naisip ni Bakeks na puwede ninyong gawin, pero nag-deadlock din kami.

Gusto sana naming idaan sa essay questions (5 pages or less - one sided, single spaced, 1 inch margin on both sides - following MLA guidelines for presentation and citation) pero nalaspag kaming bigla sa kaiisip ng mga tanong na hindi tungkol sa ikabubuti ng That's Entertainment sa lipunan, or kung sumasang-ayon kayo sa mga pahayag ni ex-Governor Mark Lapid na SAGING LANG ANG MAY PUSO! Hindi din namin alam kung sino sa inyong dalawa ang magaling sa French kasi ipapa-translate namin sana sa inyo ang lyrics ng "Angelina" para hindi na namin kakantahin yung bastos na version.

Inisip din namin na idaan sa karaoke, pero bigla din naming naalala na ex pala ni Migz si Vina Morales. Malay natin, baka alam niya ang tamang kombinasyon ng anabolic steroids at Pei Pah Koa na magpapalakas sa kanyang vocal chords pag tinaasan niya ang boses para sa "Victims of Love." Papayag ba kami na magkaroon ng Senador na gumagamit ng performance enhancing drugs na ganyan? Thought so.

So, without further ado, ito ang solusyon na naisip namin: DANCE PRODUCTION SHOWDOWN. At hindi lang kahit na anong dance-off tulad ni Justin at Britney na ubusan ng sindak sa dance floor - medyo classy pa iyan, at baka mapilitan pa si Tim Yap na pumasok sa pulitika pag yan ang naganap.

Gusto namin yung fully choreographed production number sa Broadway Centrum na may umuusok na dry ice at kumukurap na ilaw tulad ng mga napapanood namin noong araw sa Solid Gold atsaka Saturday Edition ng That's. Dapat yung talagang all-out na may headband, body glitter, tsaka costume na gawa sa makintab at hapit na spandex para hindi kayo mahirapan na magpagulong-gulong sa sahig at gumapang na parang pusang gala na may rabies. Kung kailangan pa ninyo ng back-up para sa inyong mala-VIP Dancers na routine ay puwede ninyong isama si Ralph Recto para mayroon kayong bubuhat-buhatin.

At siyempre, dapat gamitin ninyo ang mga Extended Dance Mix ng mga kanta galing sa playlist na ito. Uy, wag ninyo kaming tingnan ng ganyan! Simulan ninyo sa "Strut" para may warmup kayo, tapos karirin ninyo ng todo-todo yung "Gold," "Twilight Zone," tsaka yung "Xtasi Xtano (Asi Me Gusta a Mi)" para ma-LSS ng todo-todo ang mga nanonood. At kung talagang hindi na ninyo kaya eh daanin na lang ninyo sa live-action sabong to the tune of Ennio Morricone.

O, ano, payag na ba kayo? Magsabi lang kayo at ipapa-TV namin ito ng live! Naka-ready na sina Phil Keoghan at Michael Buffer para sa showdown na ito. Basta wag lang natin kaladkarin dito yung mga political analysts kasi baka magwala ang mga tao.

Two will enter. One will leave...

GAME NA!